Khmer news / Cambodia hot news online media: 1/9 Cambodia News | Khmer News - ពត៌មានខ្មែរ on janurary

Saturday, January 8, 2011

1/9 Cambodia News | Khmer News - ពត៌មានខ្មែរ on janurary

Posted by sam auto blog tune up at 9:56 PM

Cambodia News | Khmer News - ពត៌មានខ្មែរ

កម្ពុជាមិនខ្វល់នឹងការគំរាមទាក់ទងការចាប់ខ្លួនជនជាតិថៃ៧នាក់

January 9, 2011 at 12:39 AM

ដោយ ដែន អយុធ្យា
2011-01-08
វិទ្យុអាស៊ីសេរី
មេបញ្ជាការកងទ័ពកម្ពុជា ប្រចាំការនៅខ្សែត្រៀមជួរមុខតាមព្រំដែនកម្ពុជា-ថៃ មិនខ្វល់នឹងការគំរាមណាមួយរបស់រដ្ឋាភិបាលក្រុងបាងកក ទាក់ទងនឹងការចាប់ខ្លួនជនជាតិថៃ ៧នាក់នោះទេ បើទោះជាប៉ុន្មានថ្ងៃមកនេះ ប្រទេសថៃបានបង្កើនកងទ័ពនៅតាមព្រំដែន ឬក៏ថ្នាក់ដឹកនាំថៃ បានលើកឡើងពីហានិភ័យរវាងប្រទេសទាំងពីរបែបណាក្ដី។

ជនជាតិថៃ ៣នាក់ (ឯកសណ្ឋានអ្នកទោស) ក្នុងចំណោម ៧នាក់ ដើរចេញពីតុលាការរាជធានីភ្នំពេញ នៅយប់ថ្ងៃទី៦ ខែមករា ឆ្នាំ២០១១ បន្ទាប់ពីតុលាការសាកសួរជាលើកទី២។ (RFA/Mom Sophon)

ជនជាតិ ថៃ ៣ នាក់ (ឯកសណ្ឋាន អ្នក ទោស) ក្នុង ចំណោម ៧ នាក់ ដើរ ចេញ ពី តុលាការ រាជធានី ភ្នំពេញ នៅ យប់ ថ្ងៃ ទី ៦ ខែ មករា ឆ្នាំ ២០១១ បន្ទាប់ ពី តុលាការ សាកសួរ ជា លើក ទី ២។ (RFA/Mom Sophon)

បន្ទាប់ពីសមត្ថកិច្ចខេត្តបន្ទាយមានជ័យ បានចាប់ខ្លួនជនជាតិថៃ ចំនួន ៧នាក់ ដែលចូលមកទឹកដីខ្មែរដោយខុសច្បាប់ កាលពីថ្ងៃទី២៩ ខែធ្នូ ឆ្នាំ២០១០រួចមក រដ្ឋាភិបាលថៃ បានស្វះស្វែងរកកិច្ចអន្តរាគមន៍ពីរដ្ឋាភិបាលកម្ពុជា ឲ្យដោះលែងជនជាតិថៃទាំង ៧នាក់ និងបានបញ្ជូនកងទ័ព ព្រមទាំងសព្វាវុធមកតាមព្រំដែនច្រើនសន្ធឹកសន្ធាប់ ក្នុងនោះនាយករដ្ឋមន្ត្រីថៃ លោក អាភីស៊ិត វេតឆាឈីវ៉ាក់ (Abhisit Vejjajiva) បានព្រមានថា បើកម្ពុជាមិនដោះលែងជនជាតិថៃទាំង ៧នាក់ អាចនាំឲ្យប្រទេសទាំងពីរមានទំនាស់ស្រួចស្រាវ។
ទោះយ៉ាងនេះក្តី មន្ត្រីជាន់ខ្ពស់កងទ័ពកម្ពុជា កំពុងបំពេញបេសកកម្មនៅតាមព្រំដែនកម្ពុជា-ថៃ បានថ្លែងថា កម្ពុជាមិនមានការតក់ស្លុត ឬព្រួយបារម្ភទៅនឹងការគំរាមតាមគ្រប់រូបភាពរបស់រដ្ឋាភិបាលក្រុងបាងកកនោះទេ បើទោះជាប្រទេសថៃ ចាប់ពីដើមខែមករា ឆ្នាំ២០១១នេះ បានបញ្ជូនកងទ័ព និងសព្វាវុធមកដាក់ពង្រាយតាមបន្ទាត់ព្រំដែនច្រើនយ៉ាងណាក្តី។
លោក ជា តារា នាយឧត្ដមសេនីយ៍ផ្កាយមាសបួន និងជាអគ្គមេបញ្ជាការរងកងយោធពលខេមរភូមិន្ទ មានប្រសាសន៍ឲ្យវិទ្យុអាស៊ីសេរី ដឹងតាមទូរស័ព្ទនៅថ្ងៃទី៧ ខែមករានេះថា រដ្ឋាភិបាលកម្ពុជា ក្រោមការដឹកនាំរបស់លោកនាយករដ្ឋមន្ត្រី ហ៊ុន សែន គឺមិនព្រួយបារម្ភពីស្ថានការណ៍អាក្រក់អាចនឹងកើតមានឡើងទៅតាមការគំរាមរបស់រដ្ឋាភិបាលថៃនោះទេ។ លោកថា នៅតាមព្រំដែន កងទ័ពកម្ពុជា បានត្រៀមលក្ខណៈជាស្រេច ដើម្បីការពារបូរណភាពទឹកដីមិនឲ្យកងទ័ពថៃ ចូលឈ្លានពានបានដូចកាលពីឆ្នាំ២០០៨ ទៀតឡើយ។
លោក ជា តារា ដែលជាមេបញ្ជាការកងទ័ពសមរភូមិជួរមុខទិសយោធភូមិភាគទី៤ បានសង្កត់ធ្ងន់ថា ការដែលរដ្ឋាភិបាលថៃ បង្កើនកងទ័ពជាមួយសព្វាវុធគ្រប់ធុននៅតាមព្រំដែន មិនធ្វើឲ្យកងទ័ពកម្ពុជា ខ្លាចញញើតនោះទេ ព្រោះកងទ័ពកម្ពុជា បានត្រៀមលក្ខណៈប្រយុទ្ធមិនធ្វេសប្រហែសនោះទេ។
លោក ជា តារា មានប្រសាសន៍ទៀតថា ៖ «ខ្មែរមានសម្ដេចតេជោជានាយករដ្ឋមន្ត្រីនៃព្រះរាជាណាចក្រកម្ពុជា មានលោកជំទាវបណ្ឌិត មានពលទាហានទាំងអស់គោរព និងស្តាប់តាមបទបញ្ជាសម្ដេចតេជោ គឺការពារសម្ដេចតេជោ ការពារទឹកដីកម្ពុជា ម៉ោងនេះមិនដូចឆ្នាំ២០០៨ទេ គឺឆ្នាំ២០១១ហើយ ខ្ញុំសូមជម្រាបអ៊ីចឹង»។
ប្រភពដដែលឲ្យដឹងថា កាលពីថ្ងៃទី៥ ខែមករានេះ នៅចំណុចបង្គោលព្រំដែនកម្ពុជា-ថៃលេខ៤៦ ស្ថិតក្នុងភូមិសាស្ត្រ ស្រុកអូរជ្រៅ ខេត្តបន្ទាយមានជ័យ មិនថាតែកងទ័ពថៃនោះទេ បានបញ្ជូនកម្លាំងមកដាក់ពង្រាយនៅតំបន់នោះ សូម្បីកងកម្លាំងចម្រុះកម្ពុជា ក៏បានបង្កើនចំនួនផងដែរ។ ការបង្កើនកម្លាំងនៅព្រំដែនកម្ពុជា-ថៃ ចំណុចភូមិជោគជ័យរបស់កម្ពុជា និងភូមិណងចាន់ របស់ថៃ ប្រយោជន៍ដើម្បីការពារកុំឲ្យក្រុមបាតុករអាវលឿងថៃ ដែលមកប្រមូលផ្ដុំគ្នានៅតំបន់នោះចូលមកក្នុងទឹកដីកម្ពុជា ដែលក្រុមជ្រុលនិយមថៃទាំងនោះ ចាត់ទុកថា ជាទឹកដីរបស់គេ។
ទាក់ទងបញ្ហានេះ លោក កាស៊ីត ភិរម្យ (Kasit Piromya) រដ្ឋមន្ត្រីក្រសួងការបរទេសថៃ ថ្មីៗនេះត្រូវបានកាសែតថៃ ឌឹ ណេហ្សិន (The Nation) បានស្រង់សម្ដីមកចុះផ្សាយដោយបានស្នើឲ្យរដ្ឋាភិបាលថៃ ពិចារណាលើទំនាក់ទំនងរបស់ខ្លួនជាមួយកម្ពុជា ប្រសិនបើកម្ពុជា មិនធ្វើឲ្យស្ថានការណ៍មានភាពប្រសើរឡើងទាក់ទងការចាប់ខ្លួនជនជាតិថៃទាំង ៧នាក់ទេនោះ។
លោក កាស៊ីត ភិរម្យ បានថ្លែងក្នុងកិច្ចប្រជុំគណៈរដ្ឋមន្ត្រីថៃ កាលពីថ្ងៃទី៤ ខែមករា ដោយបានលើកឡើងថា រូបលោកបានបរាជ័យក្នុងការដោះស្រាយបញ្ហាការចាប់ខ្លួនជនជាតិថៃទាំង ៧នាក់ ជាមួយកម្ពុជា។
យ៉ាងនេះក្តី ទាំងមន្ត្រីការទូត ក៏ដូចជាមេបញ្ជាការកងទ័ពកម្ពុជា មិនចាប់អារម្មណ៍ ឬខ្វល់ថា ការលើកឡើងរបស់មន្ត្រីការទូតថៃ ជាការគំរាមរបស់ថៃនោះទេ ហើយក៏មិនបានយកចិត្តទុកដាក់ជុំវិញសម្ដីរបស់លោក កាស៊ីត ភិរម្យ នោះដែរ។
លោក កុយ គួង មន្ត្រីនាំពាក្យក្រសួងការបរទេសកម្ពុជា បានឲ្យដឹងថា រដ្ឋាភិបាលកម្ពុជា នៅតែចាត់ទុកករណីចាប់ខ្លួនជនជាតិថៃទាំង ៧នាក់ថា ជាកិច្ចការអនុវត្តច្បាប់របស់កម្ពុជា។ លោកបានពន្យល់ថា កម្ពុជានៅរក្សាជំហររបស់ខ្លួន ដោយបានចាត់ទុកការចាប់ខ្លួនជនជាតិថៃ បានចូលមកក្នុងទឹកដីខ្មែរ គឺជារឿងដាច់ដោយឡែក មិនពាក់ព័ន្ធនឹងទំនាក់ទំនងទ្វេភាគី រវាងកម្ពុជា-ថៃនោះទេ។
ទាក់ទងបញ្ហានេះ លោក កាស៊ីត ភិរម្យ ក៏ធ្លាប់បានលើកឡើងនៅចំពោះមុខអ្នកកាសែត នៅក្រោយជំនួបរបស់លោកជាមួយលោក ហោ ណាំហុង រដ្ឋមន្ត្រីក្រសួងការបរទេសកម្ពុជា កាលពីថ្ងៃទី៣០ ខែធ្នូ ដោយអះអាងថា ការចាប់ខ្លួនជនជាតិថៃទាំង ៧នាក់ រដ្ឋាភិបាលថៃ មិនឲ្យបញ្ហានេះប៉ះពាល់ដល់ទំនាក់ទំនងប្រទេសទាំងពីរទេ។
លោកនាយករដ្ឋមន្ត្រី ហ៊ុន សែន ធ្លាប់មានប្រសាសន៍ថា ការចាប់ខ្លួនជនជាតិថៃទាំង ៧នាក់ ដែលរំលោភចូលមកក្នុងទឹកដីកម្ពុជា គឺមិនប៉ះពាល់ដល់ទំនាក់ទំនងការទូតប្រទេសទាំងពីរឡើយ ហើយរូបលោកក៏មិនលូកលាន់ ឬអន្តរាគមន៍លើករណីចាប់ខ្លួនដែរ ដោយទុកឲ្យតុលាការចាត់ការតាមនីតិវិធីច្បាប់។
លោកនាយករដ្ឋមន្ត្រី ហ៊ុន សែន មានប្រសាសន៍ដូច្នេះ ៖ «យើងចាប់ជនជាតិថៃ ៧នាក់ ដែលជាក្រុមអាវលឿង តំណាងរាស្ត្រ ២រូប បូកជាមួយអ្នកកាសែតមួយចំនួនទៀត។ អន្តរាគមន៍មកសុំឲ្យដោះលែងអ្នកតំណាងរាស្ត្រ ២នាក់ ខ្ញុំបានប្រាប់ទៅវិញ តំណាងរាស្ត្រ ២រូបនេះមកជាមួយនូវសំណុំរឿង បើដោះ ២នាក់ ទុក ៥នាក់គឺវាខុសរឿង។ តំណាងរាស្ត្រថៃ គឺមានអភ័យឯកសិទ្ធិតែក្នុងដីថៃ តែចូលក្នុងដីកម្ពុជា គឺសុំទោស!»។
ឆ្លើយតបការព្រមានរបស់ថៃ លោក ស្រី ឌឹក មេបញ្ជាការកងទ័ពកម្ពុជា ប្រចាំទិសតំបន់ប្រាសាទព្រះវិហារ បានថ្លែងឲ្យវិទ្យុអាស៊ីសេរី ដឹងនៅថ្ងៃទី៧ ខែមករា ដែរថា រាល់សកម្មភាពណាមួយរបស់កងទ័ពថៃ ឬជនជាតិថៃ រំលោភចូលក្នុងទឹកដីប្រទេសកម្ពុជា ទោះតាមរូបភាពណាក៏ដោយ កងទ័ពកម្ពុជា នឹងប្រយុទ្ធប្ដូរផ្ដាច់មិនឲ្យបាត់ដីមួយចំអាមណាឡើយ។
ទោះជាបែបនេះក្តី លោកមេបញ្ជាការបានអះអាងថា ស្ថានការណ៍នៅតាមបន្ទាត់ព្រំដែនកម្ពុជា-ថៃ គឺមានសភាពធម្មតា មិនមានអ្វីប្រែប្រួលគួរឲ្យកត់សម្គាល់ឡើយ ៖ «យើងមិនចាប់អារម្មណ៍ទេសម្ដីទាំងនេះ ហើយយើងក៏មិនព្រួយបារម្ភអីដែរ ព្រោះយើងប្រទេសផ្សេង គាត់ប្រទេសផ្សេងទេតើ! ហើយយើងមិនមែនជាប្រទេសក្រោមអាណានិគមរបស់ថៃឯណា អត់ទេ។ យើងខ្ញុំនឹងអនុវត្តបទបញ្ជាសម្ដេចតេជោនាយករដ្ឋមន្ត្រី យើងខ្ញុំអនុវត្តការពារ ១មិល្លីម៉ែត្រការពារមិនឲ្យថៃ ឈ្លានពានបានទេ។ ខ្ញុំធ្វើការតបតនៅពេលដែលថៃ ឈ្លានពានខ្ញុំ ខ្ញុំត្រូវតែការពារដាច់ខាត គឺមិនបានទេ ត្រូវតែប្ដូរផ្ដាច់ជីវិតហើយ»។
តុលាការកម្ពុជា កាលពីថ្ងៃទី៦ ខែមករា បាននាំជនជាតិថៃទាំង ៧នាក់ មកសាកសួរ ក្នុងនោះមានឈ្មោះ ផានិក វិគិតសេត (Panich Vikitsreth) សមាជិកសភាក្រុងបាងកក មកពីគណបក្សប្រជាធិបតេយ្យ លោក វីរៈ ស៊ុំឃ្វាមឃីត (Veera Somkwamkid) មេដឹកនាំអាវលឿងនៃបណ្តាញអ្នកស្នេហាជាតិថៃ រួមជាមួយសកម្មជនអាវលឿង ៤នាក់ និងអ្នកកាសែតម្នាក់ ប៉ុន្តែមិនទាន់សម្រេចបែបណានៅឡើយ។
បន្ទាប់ការសាកសួរ មេធាវីការពារជនជាតិថៃ លោក រស់ អូន ថ្លែងថា តុលាការក្រុងភ្នំពេញ បានសម្រេចរក្សាការចោទប្រកាន់កូនក្ដីរបស់លោកពីបទឆ្លងដែនចូលក្នុងទឹកដីកម្ពុជា ដោយខុសច្បាប់ និងចូលទីលានយោធាក្នុងបំណងទុច្ចរិត៕

លោក រ៉ុង ឈុន នឹងចុះទៅពិនិត្យបង្គោលព្រំដែនកម្ពុជាវៀតណាមនៅថ្ងៃស្អែក

January 9, 2011 at 12:34 AM

ដោយ គី សុខលីម
ថ្ងៃ សៅរ៍ 08 មករា 2011
RFI
លោក រ៉ុង ឈុន ប្រធានក្រុមប្រឹក្សាឃ្លាំមើលកម្ពុជានឹងចុះទៅពិនិត្យបង្គោល ព្រំដែនកម្ពុជាវៀតណាមនៅព្រឹកថ្ងៃអាទិត្យស្អែកនៅក្នុងខេត្ត ព្រៃវែង។ ប៉ុន្តែមន្ត្រីជំនាញព្រំដែនរបស់រដ្ឋាភិបាលកម្ពុជាបានបញ្ចេញ ប្រតិកម្មរិះគន់ថា លោក រ៉ុង ឈុន មិនមែនជាអ្នកជំនាញព្រំដែននោះទេ។

បង្គោលព្រំដែនកម្ពុជាវៀតណាមលេខ ១២៥ (© សុវណ្ណារ៉ា)

បង្គោល ព្រំដែន កម្ពុជា វៀតណាម លេខ ១២៥ (© សុវណ្ណារ៉ា)

គណៈប្រតិភូប្រមាណជាង១០នាក់ដែលដឹកនាំដោយលោក រ៉ុង ឈុន ប្រធានក្រុមប្រឹក្សាឃ្លាំមើលកម្ពុជានឹងចេញដំណើរទៅពិនិត្យបង្គោលព្រំដែនកម្ពុជាវៀតណាមចំនួន២នៅព្រឹកថ្ងៃអាទិត្យស្អែកនៅក្នុងខេត្តព្រៃវែង។ បង្គោលព្រំដែនលេខ១៣០ និង១៣១ស្ថិតនៅក្នុងឃុំក្របៅ ស្រុកកំចាយមារខេត្តព្រៃវែង។
នេះជាលើកទី៤ហើយដែលលោក រ៉ុង ឈុន ធ្វើបេសកកម្មត្រួតពិនិត្យព្រំដែននៅភាគខាងកើតជាប់ព្រំដែនប្រទេសវៀតណាម។ ទស្សនកិច្ចត្រួតពិនិត្យបង្គោលព្រំដែននាពេលកន្លងមកបានធ្វើឡើងនៅក្នុងខេត្តតាកែវ ខេត្តកំពង់ចាម ខេត្តស្វាយរៀង និងលើកទី៤នេះនៅក្នុងខេត្តព្រៃវែង។
លោក រ៉ុង ឈុន ប្រធានក្រុមប្រឹក្សាឃ្លាំមើលកម្ពុជាបានបញ្ជាក់តាមទូរស័ព្ទនៅថ្ងៃសៅរ៍នេះថា គម្រោងចុះត្រួតពិនិត្យបង្គោលព្រំដែននៅថ្ងៃស្អែកនេះ គឺដោយសារលោកទទួលបានព័ត៌មានពីប្រជាជន និងពីគ្រូបង្រៀននៅទីនោះនិយាយថា ការបោះបង្គោលព្រំដែនលេខ១៣០ និង១៣១បានចូលក្នុងទឹកដីខ្មែរពី៥០០ទៅ៦០០ម៉ែត្រ។
លោក ឈុន បានបញ្ជាក់ទៀតថា ប្រសិនបើមានភាពមិនប្រក្រតីមែននោះលោកនឹងសរសេររបាយការណ៍ដាក់ជូនទៅរដ្ឋាភិបាលបន្ទាប់ពីលោកត្រលប់មកពីខេត្តព្រៃវែងវិញ។ ប្រធានក្រុមប្រឹក្សាឃ្លាំមើលកម្ពុជាបានបន្តទៀតថា លោកគ្មានបំណងណាមួយរារាំងការបោះបង្គោលព្រំដែនរវាងកម្ពុជានិងវៀតណាមនោះទេ ប៉ុន្តែលោកចង់ស្វែងរកការពិត និងចង់អោយមានតម្លាភាពក្នុងការបោះបង្គោលព្រំដែន ពោលគឺលោកមិនចង់ឃើញភាគីណាមួយជាអ្នកចំណេញឬខាតនោះទេ។
ប្រតិកម្មទៅនឹងគម្រោងត្រួតពិនិត្យបង្គោលព្រំដែនរបស់លោក រ៉ុង ឈុន លោក វ៉ា គឹមហុង ប្រធានគណៈកម្មាធិការជាតិទទួលបន្ទុកកិច្ចការព្រំដែនបានលើកឡើងថា លោក រ៉ុង ឈុន មិនមែនជាអ្នកជំនាញខាងព្រំដែនទេ។ លោក វ៉ា គឹមហុងបានបន្តទៀតថា លោក ឈុន អាចចុះទៅមើលបង្គោលព្រំដែនបាន ប៉ុន្តែកុំប៉ះពាល់បង្គោលព្រំដែនទាំងនោះអោយសោះ។ លោក វ៉ា គឹមហុង បានចោទជាសំណួរថា តើលោក រ៉ុង ឈុន ជឿលើសម្ដីរបស់ប្រជាជនជាសកម្មជនបក្សប្រឆាំង ឬជឿលើស្ថាប័នជំនាញរបស់រដ្ឋ?
សូមបញ្ជាក់ថា កាលពីម្សិលមិញក្នុងទិវាថ្ងៃ៧មករា លោក ជា ស៊ីម ប្រធានគណបក្សប្រជាជនកម្ពុជាបានប្រកាសជំហរគាំទ្រដំណើរការបោះបង្គោលព្រំដែនជាមួយប្រទេសវៀតណាម និងជាមួយប្រទេសឡាវ។
ការតវ៉ារឿងព្រំដែនរបស់លោក រ៉ុង ឈុន ប្រធានក្រុមប្រឹក្សាឃ្លាំមើលកម្ពុជាបានកើតឡើងជាហូរហែមកហើយ ប៉ុន្តែអ្វីដែលជាការកត់សម្គាល់របស់អ្នកតាមដានសភាពការណ៍នៅកម្ពុជា គឺថាលោក រ៉ុង ឈុន ប្រតិកម្មខ្លាំងរឿងព្រំដែនជាមួយប្រទេសវៀតណាមតែប្រតិកម្មតិចតួចជាមួយប្រទេសថៃ។
ឆ្លើយតបទៅនឹងការមន្ទិលសង្ស័យនេះ លោក រ៉ុង ឈុន បានបកស្រាយថា រដ្ឋាភិបាលកម្ពុជាបានបង្ហាញការប្ដេជ្ញាចិត្តខ្លាំងរឿងព្រំដែនខាងលិច ប៉ុន្តែមិនសូវប្ដេជ្ញាចិត្តខ្លាំងរឿងព្រំដែនខាងកើតអ៊ីចឹងហើយទើបលោកចុះទៅត្រួតពិនិត្យច្រើននៅភាគខាងកើតនោះ៕

សង្គមស៊ីវិល៖ ថៃបាញ់សម្លាប់ខ្មែរជាការរើសអើងជាតិសាសន៍

January 9, 2011 at 12:20 AM

ដោយ ទីន ហ្សាការីយ៉ា
2011-01-08
វិទ្យុអាស៊ីសេរី
ក្រោយពីមានបញ្ហាជម្លោះបញ្ហាព្រំដែនរវាងប្រទេសកម្ពុជា និងថៃមក គេសង្កេតឃើញអាជ្ញាធរថៃ បានបាញ់សម្លាប់ប្រជាពលរដ្ឋខ្មែរជាបន្តបន្ទាប់ នៅខណៈដែលប្រជាពលរដ្ឋខ្មែរទាំងនោះបានឆ្លងដែនទៅប្រទេសថៃខុសច្បាប់។

ទិដ្ឋភាពនៅលើស្ពានមិត្តភាពកម្ពុជា-ថៃនៃច្រកទ្វារអន្តរជាតិប៉ោយប៉ែត ក្នុងខេត្តបន្ទាយមានជ័យ នាថ្ងៃ៦ វិច្ឆិកា ២០០៩។ (RFA/Sophal Mony)

ទិដ្ឋភាព នៅ លើ ស្ពាន មិត្តភាព កម្ពុជា - ថៃ នៃ ច្រក ទ្វារ អន្តរជាតិ ប៉ោយប៉ែត ក្នុង ខេត្ត បន្ទាយមានជ័យ នា ថ្ងៃ ៦ វិច្ឆិកា ២០០៩។ (RFA/Sophal Mony)

មន្ត្រីឃ្លាំមើលសិទ្ធិមនុស្ស និងអ្នកវិភាគនយោបាយដែលបានតាមដានស្ថានការណ៍បញ្ហាជម្លោះព្រំដែនរវាងប្រទេសកម្ពុជា-ថៃ បានថ្កោលទោសអាជ្ញាធរថៃ ដែលបានប្រើអាវុធបាញ់សម្លាប់ប្រជាពលរដ្ឋស៊ីវិលខ្មែរជាបន្តបន្ទាប់ នៅខណៈដែលប្រជាពលរដ្ឋទាំងនោះបានឆ្លងដែនចូលទៅប្រទេសថៃ ខុសច្បាប់នោះ ដែលគេចាត់ទុកថា ថៃមានការរើសអើងជាតិសាសន៍។
ការលើកឡើងដូច្នេះ នៅបន្ទាប់ពីទាហានថៃ បានបាញ់ប្រហារទៅលើប្រជាពលរដ្ឋខ្មែរចំនួន ១១នាក់ បណ្ដាលឲ្យម្នាក់ស្លាប់ និងម្នាក់ទៀតរបួស ខណៈដែលអ្នកទាំងនោះបានឆ្លងដែនពីទឹកដីខ្មែរ ក្នុងខេត្តបន្ទាយមានជ័យ ចូលទៅស៊ីឈ្នួលកាប់ឈើនៅក្នុងស្រុកតាប់ព្រះយ៉ា ខេត្តស្រះកែវ ប្រទេសថៃ កាលពីថ្ងៃទី៧ ខែមករា ឆ្នាំ២០១១។
មន្ត្រីស៊ើបអង្កេតជាន់ខ្ពស់នៃសមាគមសិទ្ធិមនុស្សអាដហុក លោក ចាន់ សុវ៉េត បានបញ្ជាក់ថា ទាហានថៃ ក៏ដូចជារដ្ឋាភិបាលថៃ បានបង្ហាញអំពីការរើសអើងមកលើប្រជាពលរដ្ឋខ្មែរ ដែលនៅតែបន្តការបាញ់សម្លាប់ប្រជាពលរដ្ឋឥតឈប់ឈរបែបនេះ ដែលបញ្ហានេះបានសឲ្យឃើញថា អាជ្ញាធរថៃ កំពុងតែរំលោភសិទ្ធិរស់រានមានជីវិតជាសាកលរបស់ប្រជាពលរដ្ឋ។
លោក ចាន់ សុវ៉េត បានពន្យល់ថា កន្លងមកនៅគ្រាដែលពលរដ្ឋខ្មែរត្រូវបានគេបាញ់សម្លាប់ និងត្រូវបានគេចាប់ខ្លួននៅក្នុងទឹកដីថៃ មន្ត្រីក្រសួងការបរទេសខ្មែរ ហាក់បីដូចជាមិនបានខ្នះខ្នែងជួយអន្តរាគមន៍ ដើម្បីជួយដល់ប្រជាពលរដ្ឋខ្មែរដែលរងគ្រោះទាំងនោះទេ គឺផ្ទុយពីរដ្ឋាភិបាលថៃ ដែលគេបានជ្រោមជ្រែងជួយដល់ប្រជាពលរដ្ឋរបស់គេ ពិសេសដូចជាករណីកាលពីថ្ងៃទី២៩ ធ្នូ ឆ្នាំ២០១០ កន្លងទៅ ដែលអាជ្ញាធរកម្ពុជា បានចាប់ខ្លួនប្រជាពលរដ្ឋថៃ ឆ្លងដែនខុសច្បាប់ចូលមកទឹកដីកម្ពុជា រួមទាំងមានតំណាងរាស្ត្រថៃ ម្នាក់ផងនោះ ត្រូវបានរដ្ឋមន្ត្រីក្រសួងការបរទេសថៃ លោក កាស៊ីត ភិរម្យ (Kasit Piromya) បានមកកម្ពុជាភ្លាមៗ ដើម្បីសុំឲ្យកម្ពុជា ដោះលែងពួកគេ។
ទាក់ទងទៅនឹងករណីនេះ លោក កុយ គួង មន្ត្រីនាំពាក្យក្រសួងការបរទេសខ្មែរ បានបំភ្លឺថា ក្រសួងការបរទេសខ្មែរ ជារឿយៗបានធ្វើលិខិតផ្ញើជូនរដ្ឋាភិបាលថៃ ជាបន្តបន្ទាប់ ពីករណីទាហានថៃ បាញ់ប្រហារមកលើប្រជាពលរដ្ឋកម្ពុជា ដោយថ្កោលទោសយ៉ាងខ្លាំងចំពោះអាជ្ញាធរថៃ។
របាយការណ៍ប្រចាំឆ្នាំ២០១០ របស់សមាគមសិទ្ធិមនុស្សអាដហុក ឲ្យដឹងថា ទាហានថៃ បានបាញ់ប្រជាពលរដ្ឋខ្មែរមាន ១៥ករណី ដែលមានមនុស្សស្លាប់ចំនួន ១៦នាក់ ហើយប្រជាពលរដ្ឋរងគ្រោះទាំងនោះ ដោយសារតែពួកគេបានចូលទៅស៊ីឈ្នួលដឹកឈើ និងកាប់ឈើខុសច្បាប់នៅក្នុងទឹកដីថៃ មានមួយចំនួនទៀតចូលទៅទឹកដីថៃ ធ្វើជាកម្មករ ដែលគេចូលទៅពេលព្រឹកចេញមកទឹកដីខ្មែរវិញពេលល្ងាច ហើយពួកគេទាំងនោះត្រូវបានអាជ្ញាធរថៃ ចោទថា បានចូលទឹកដីថៃខុសច្បាប់។
របាយការណ៍ដដែលបានបង្ហាញថា ក្នុងចំណោមប្រជាពលរដ្ឋទាំងនោះ មានខ្លះថៃ បានចាប់ដុតទាំងរស់ផងដែរ ប៉ុន្តែរហូតមកទល់ពេលនេះ ក្រុមគ្រួសាររបស់ពួកគេ រដ្ឋាភិបាលថៃ មិនទាន់បានផ្ដល់យុត្តិធម៌ជូនពួកគេនៅឡើយ។ របាយការណ៍នេះក៏បានសរសេរបញ្ជាក់ថា ថៃបានប្រើអាវុធបាញ់ប្រជាពលរដ្ឋខ្មែរបានកើតមានក្រោយថ្ងៃទី១៥ ខែកក្កដា ឆ្នាំ២០០៨មក ដែលសរុបទាំងអស់មាន ២៩នាក់ ដែលទាហានថៃ បានបាញ់សម្លាប់។
អ្នកជំនាញវិទ្យាសាស្ត្រនយោបាយ លោកបណ្ឌិត សុខ ទូច បានមានប្រសាសន៍ថា រដ្ឋភិបាលថៃ មិនគោរពច្បាប់អន្តរជាតិ ពីព្រោះថា ប្រទេសនៅក្នុងតំបន់តែងតែមានប្រជាពលរដ្ឋក្នុងតំបន់ធ្វើការឆ្លងកាត់ទៅមករវាងប្រទេសនីមួយៗ ដូច្នេះបើសិនជាប្រជាពលរដ្ឋខ្មែរឆ្លងដែនទៅប្រទេសថៃ ខុសច្បាប់នោះ រដ្ឋាភិបាលថៃ គួរតែយកច្បាប់អន្តរជាតិ ឬច្បាប់នៃប្រទេសនេះមកអនុវត្តកាត់ទោសពួកគេ មិនត្រូវបាញ់សម្លាប់ដូច្នេះទេ។
សាធារណជនខ្មែរមួយចំនួនបានលើកឡើងថា អាជ្ញាធរថៃ បានសម្លាប់ប្រជាពលរដ្ឋខ្មែរជាបន្តបន្ទាប់ នៅខណៈដែលប្រជាពលរដ្ឋខ្មែរឆ្លងដែនខុសច្បាប់ទៅប្រទេសថៃ ពួកគេបានបញ្ចេញទស្សនៈថា មូលហេតុអ្វីបានអាជ្ញាធរកម្ពុជា មិនបាញ់សម្លាប់ប្រជាពលរដ្ឋថៃ ដែលបានចូលមកកម្ពុជា ខុសច្បាប់ដែរនោះ?
មន្ត្រីនាំពាក្យនៃទីស្ដីការគណៈរដ្ឋមន្ត្រី បានអធិប្បាយថា កម្ពុជាជាប្រទេសគោរពនូវអធិបតេយ្យរបស់ខ្លួន និងគោរពច្បាប់អន្តរជាតិ គឺកម្ពុជាមិនធ្វើបាបប្រជាពលរដ្ឋស៊ីវិលនោះទេ។ កម្ពុជាចាត់ការប្រជាពលរដ្ឋថៃ ចូលមកទឹកដីកម្ពុជា ខុសច្បាប់ ទៅតាមផ្លូវច្បាប់។
ទោះជាយ៉ាងណា លោកបណ្ឌិត សុខ ទូច បានអះអាងថា ប្រសិនបើប្រទេសថៃ មិនគោរពកិច្ចព្រមព្រៀងអន្តរជាតិ និងសន្ធិសញ្ញានៃអង្គការសហប្រជាជាតិទេនោះ កម្ពុជាត្រូវដាក់ទណ្ឌកម្មសេដ្ឋកិច្ចទៅប្រទេសថៃវិញ គឺកម្ពុជាត្រូវបិទច្រកព្រំដែនថៃ-កម្ពុជា មិនត្រូវអនុញ្ញាតឲ្យថៃ នាំផលិតផលចូលមកកម្ពុជាទេ និងត្រូវផ្ដាច់ចំណងការទូត ពីព្រោះថា ថៃមិនចង់មានការទំនាក់ទំនងល្អ និងកម្ពុជានោះ ហើយថា អ្នកដែលខាតបង់គឺភាគីថៃ។
កាលពីថ្ងៃទី២០ ខែធ្នូ ឆ្នាំ២០១០ រដ្ឋមន្ត្រីក្រសួងការបរទេសកម្ពុជា លោក ហោ ណាំហុង បានស្នើសុំឲ្យទាហានថៃ ឈប់បាញ់សម្លាប់ប្រជាពលរដ្ឋខ្មែរនៅតាមបណ្ដោយព្រំដែនកម្ពុជា-ថៃ ដែលឆ្លងចូលទឹកដីថៃ ខុសច្បាប់ ដើម្បីរកទទួលទាន ឬកាប់ព្រៃឈើនោះ។
ការស្នើសុំនេះ បានធ្វើឡើងនៅក្នុងជំនួបទ្វេភាគី រវាងរដ្ឋមន្ត្រីការបរទេសកម្ពុជា លោក ហោ ណាំហុង ជាមួយរដ្ឋមន្ត្រីក្រសួងការបរទេសថៃ លោក កាស៊ិត ភីរម្យ (Kasit Piromya) នៅឯក្រសួងការបរទេសកម្ពុជានៅក្នុងទីក្រុងភ្នំពេញ។
ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ បានបញ្ជាក់ថា រដ្ឋាភិបាលថៃ កំពុងតែរំលោភលើគោលការណ៍សិទ្ធិមនុស្ស ព្រោះថា លោកបានធ្វើការស៊ើបអង្កេតរួចរាល់ហើយ រដ្ឋាភិបាលថៃ ពុំមានយន្តការហាមឃាត់ទាហានថៃ មិនឲ្យបាញ់សម្លាប់ប្រជាពលរដ្ឋខ្មែរនោះឡើយ ក្រោយពេលមានការស្នើសុំពីមន្ត្រីក្រសួងការបរទេសខ្មែរនោះ។
អ្នកវិភាគនយោបាយ បានលើកអំពីមូលហេតុដែលថៃ នៅតែបន្តបាញ់សម្លាប់ប្រជាពលរដ្ឋខ្មែរថា វាមានហេតុផលពីរ ទី១ គឺជញ្ជីងសេដ្ឋកិច្ច ព្រោះថា កម្ពុជាមានសេដ្ឋកិច្ចទាបជាងប្រទេសថៃ ទី២ គឺអំណាចប្រទេសកម្ពុជា មានអំណាចនៅក្នុងតំបន់មានកម្រិតទាប ហើយនយោបាយការទូតរបស់កម្ពុជា ក៏នៅមានកម្រិតដែរ ដែលធ្វើឲ្យថៃ នៅតែវាយប្រហារប្រជាពលរដ្ឋកម្ពុជា ឥតឈប់ឈរនេះ។
អ្នកវិភាគនយោបាយដដែល បានសង្កត់ធ្ងន់ថា បើសិនជាកម្ពុជា ប្រើច្បាប់ព្រៃ ជនជាតិថៃចំនួន ៧នាក់ ដែលឆ្លងដែនខុសច្បាប់មកទឹកដីកម្ពុជា កាលពីថ្ងៃទី២៩ ខែធ្នូ ឆ្នាំ២០១០នោះ កម្ពុជាត្រូវយកពួកគេទៅដាក់គុកសិន មិនត្រូវយកពួកគេមកដោះស្រាយតាមប្រព័ន្ធតុលាការភ្លាមៗទេ ព្រោះថា ពលរដ្ឋកម្ពុជា បច្ចុប្បន្នកំពុងជាប់គុកក្នុងប្រទេសថៃ ដោយសារតែឆ្លងដែនខុសច្បាប់ ហើយមិនត្រូវបានតុលាការថៃ កាត់ទោសនៅឡើយនោះ។
ទោះជាយ៉ាងនេះក្តី ជាទូទៅគេសង្កេតឃើញថា ការឆ្លងដែនខុសច្បាប់របស់ប្រជាពលករខ្មែរ នៅតាមច្រករបៀងនានាចូលទៅទឹកដីថៃ ដើម្បីស្វែងរកការងារធ្វើ ពុំមានការថយចុះឡើយ ដោយសារតែភាពឥតការងារធ្វើនៅកម្ពុជា ហើយជនជាតិថៃវិញ គេកម្រឃើញចូលមកទឹកដីកម្ពុជា ខុសច្បាប់ មានចំនួនច្រើនដូចខ្មែរចូលថៃនោះទេ៕

ទាហានថៃបាញ់សម្លាប់ពលរដ្ឋខ្មែរម្នាក់ទៀតហើយ

January 9, 2011 at 12:15 AM

ដោយ ប៉ែន បូណា
ថ្ងៃ សៅរ៍ 08 មករា 2011
RFI
មើលទៅការបាញ់សម្លាប់ពលរដ្ឋខ្មែរពីសំណាក់ទាហានការពារព្រំដែនថៃ មិនអាចបញ្ចប់បាន ឡើយ។ នៅពេលដែលអាជ្ញាធរខ្មែរបានចាប់ខ្លួនជនជាតិថៃ៧នាក់ដោយសន្តិវិធី តាមផ្លូវច្បាប់ ហើយរដ្ឋាភិបាលថៃកំពុងស្វែងរកដំណោះស្រាយមិនទាន់ទាំងបានលទ្ធផលផង ទាហានឈុតខ្មៅថៃបានបើកការវាយប្រហារមកលើពលរដ្ឋខ្មែរមួយឈុតទៀត ដែលបណ្តាលឲ្យស្លាប់ម្នាក់ និងរងរបួសម្នាក់កាលពីថ្ងៃទី៦មករា។ ក្រសួងការបរទេសកម្ពុជាកំពុងត្រៀមធ្វើកំណត់ទូតថ្មីមួយទៀតដើម្បី តវ៉ាទៅក្រសួងការបរទេសថៃ។

ទាហានឈុតខ្មៅថៃ (©Reuters)

ទាហាន ឈុតខ្មៅ ថៃ (©Reuters)

ពលរដ្ឋខ្មែរម្នាក់បានស្លាប់ទៀតហើយនៅក្រោមគ្រាប់កាំភ្លើងបាញ់ប្រហារដ៏ឃោរឃៅពីសំណាក់ទាហានការពារព្រំដែនថៃ។ ការបាញ់ប្រហារបានកើតឡើងនៅថ្ងៃ៦មករា ប៉ុន្តែ អាជ្ញាធរខ្មែរទើបទទួលបានព័ត៌មាននៅល្ងាចថ្ងៃ៧មករាម្សិលមិញប៉ុណ្ណោះ ពីព្រោះតែទីនោះជាតំបន់ព្រៃជ្រៅ។
ប្រភពព័ត៌មានពីព្រំដែនឲ្យដឹងថាពលរដ្ឋខ្មែរ១០នាក់បាននាំគ្នាឡើងភ្នំទៅកាប់ឈើក្រញូងនៅលើភ្នំដងរែកត្រង់បង្គោលព្រំដែនលេខ២៦ ព្រំប្រទល់រវាងឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យជាមួយនឹងស្រុកឡាក់ហានសាយរបស់ថៃ។ ក៏ប៉ុន្តែ ពួកគេបានទទួលរងការបាញ់ប្រហារគ្មានត្រាប្រណីពីសំណាក់ទាហានឈុតខ្មៅការពារព្រំដែនថៃដែលបណ្តាលឲ្យបុរសម្នាក់ឈ្មោះ ឡាង សម្បត្តិ អាយុ៣២ឆ្នាំបានស្លាប់ភ្លាមៗនៅនឹងកន្លែង រីឯបុរសម្នាក់ទៀតបានរងរបួស។ អ្នកក្រៅពីនោះបាននាំគ្នារត់ប្រសេចប្រសាចទម្លាក់ខ្លួនពីលើភ្នំ ដើម្បីរត់យកប្រះអាយុរៀងៗខ្លួន។
ក្រុមប្រជាពលរដ្ឋក្រីក្រទាំងនោះបាននាំគ្នាឡើងភ្នំកាប់ឈើក្រញូងដើម្បីលក់ឲ្យឈ្មួញហើយ ជាញឹកញាប់ពួកគេបានចូលក្នុងទឹកដីថៃដោយមិនដឹងខ្លួន។ ជំនួសឲ្យការចាប់ខ្លួនយកទៅ ផ្តន្ទាទោសតាមច្បាប់ ទាហានថៃបានប្រើច្បាប់ព្រៃតាមរយៈការកាត់ទោសប្រហារជីវិតពលរដ្ឋខ្មែរដោយគ្រាប់សំណទៅវិញ។ សោកនាដកម្មដដែលៗនេះបានក្លាយជារឿងភាគមួយដ៏វែងដែលមិនអាចទប់ស្កាត់បាន ទោះបីជាមេដឹកនាំខ្មែរបានបញ្ចេញប្រតិកម្ម និងបានលើកបញ្ហានេះជាមួយភាគីថៃជាញឹកញាប់ហើយក៏ដោយ។
អ្នកនាំពាក្យក្រសួងការបរទេសមិនអាចទាក់ទងបានទេនៅរសៀលថ្ងៃសៅរ៍នេះ ប៉ុន្តែប្រភពឲ្យដឹងថា ក្រសួងការបរទេសកម្ពុជាកំពុងរង់ចាំរបាយការណ៍ពិស្តារពីអគ្គកុងស៊ុលរបស់ខ្លួននៅ ខេត្តស្រះកែវមុននឹងធ្វើកំណត់ទូតតវ៉ាទៅក្រសួងការបរទេសថៃ។ ជារៀងរាល់លើកដែលមានការបាញ់សម្លាប់ពលរដ្ឋខ្មែរ ក្រសួងការបរទេសតែងតែតវ៉ាតាមរយៈកំណត់ទូតដោយបានប្រើពាក្យធ្ងន់ៗទៀតផង ប៉ុន្តែ ការតវ៉ាទាំងនោះហាក់គ្មានលទ្ធផលទេ។
ជាវិធានការបន្ថែម អាជ្ញាធរខ្មែរនៅតាមជាយដែនបានព្យាយាមហាមឃាត់ពលរដ្ឋរបស់ខ្លួនមិនឲ្យចូលទៅប្រកបរបរកាប់ឈើខុសច្បាប់នៅតាមព្រំដែនថៃទៀតឡើយ។ ជាក់ស្តែង កាលពីថ្ងៃទី៦មករានេះដែរ ពលរដ្ឋ១៣នាក់ដែលនាំគ្នាបម្រុងឡើងភ្នំកាប់ឈើតាមព្រំដែននៅចំណុចអូរម្លូត្រូវបានសមត្ថកិច្ចឃាត់ខ្លួន ដើម្បីអប់រំនិងព្រមានអំពីគ្រោះថ្នាក់។
យ៉ាងណាក៏ដោយ ពលរដ្ឋជាច្រើននៅតែផ្សងព្រេងលួចឡើងភ្នំដោយស្ងាត់ៗដើម្បីស៊ីឈ្នួលកាប់ឈើឲ្យឈ្មួញដដែល ដោយមិនបានគិតដល់គ្រោះថ្នាក់ឡើយ។នៅថ្ងៃម្សិលមិញដែរ ពលរដ្ឋខ្មែរ៦០នាក់ដែលនាំគ្នាចូលព្រៃកាប់ឈើនៅលើភ្នំដងរែកក៏ត្រូវបានទាហានថៃដេញបាញ់រត់ពេញព្រៃម្តងទៀត ប៉ុន្តែ ពួកគេអះអាងថាគ្រាន់តែបាញ់បង្អើលតែប៉ុណ្ណោះ៕

ទាហានថៃបាញ់រះលើពលរដ្ឋខ្មែរ១១នាក់ ស្លាប់ម្នាក់

January 8, 2011 at 1:21 PM

ដោយ សួន សុផលមុន្នី
2011-01-08
វិទ្យុអាស៊ីសេរី
កងទាហានថៃ បានបាញ់ប្រហារទៅលើប្រជាពលរដ្ឋខ្មែរចំនួន ១១នាក់ បណ្ដាលឲ្យម្នាក់ស្លាប់ និងម្នាក់ទៀតរបួស ខណៈដែលអ្នកទាំងនោះបានឆ្លងដែនពីទឹកដីខ្មែរ ក្នុងខេត្តបន្ទាយមានជ័យ ចូលទៅស៊ីឈ្នួលកាប់ឈើនៅក្នុងស្រុកតាប់ព្រះយ៉ា ខេត្តស្រះកែវ ប្រទេសថៃ។
លោក វ៉ាត ហាន មេឃុំបន្ទាយឆ្មារ ក្នុងស្រុកថ្មពួក ខេត្តបន្ទាយមានជ័យ បានស្រងសេចក្ដីរាយការណ៍ពីកងទាហានការពារព្រំដែនខ្មែរឲ្យដឹងថា ទាហានថៃ បានធ្វើការបាញ់ប្រហារទៅលើពលរដ្ឋខ្មែរកាលពីព្រឹកថ្ងៃទី៧ ខែមករានេះ។
លោក វ៉ាត ហាន បន្តថា ៖ «តាមព័ត៌មានដែលថាស្លាប់ហ្នឹង ស្លាប់តែម្នាក់ទេ ហើយប្រជាពលរដ្ឋដែលទៅនោះទាំងអស់ ១១នាក់ នៅក្នុងភូមិខ្ញុំមាន ៧នាក់។ វាឡើងចេញពីភូមិយើង គឺភូមិដងរែក ឡើងឆ្ពោះទៅឡាក់លេខ ២៧ ឆ្លងឡាក់ ២៧ ចូលទៅដល់ដីថៃ។ តាមព័ត៌មានថា ទៅកាប់ឈើនៅប្រទេសគេ ហើយថៃហ៊ុមបាញ់តែម្ដង»។
ប្រភពពីអាជ្ញាធរមូលដ្ឋានក្នុងស្រុកថ្មពួក ខេត្តបន្ទាយមានជ័យ បានឲ្យដឹងថា ពលរដ្ឋខ្មែរដែលរងការបាញ់ប្រហារពីសំណាក់ទាហានថៃទាំងនោះ មានចំនួន ១១នាក់ អ្នកទាំងនោះរស់នៅក្នុងឃុំបន្ទាយឆ្មារ និងឃុំគោករមៀត ស្រុកថ្មពួក ខេត្តបន្ទាយមានជ័យ ៖ «ខាងព្រំដែនគេរាយការណ៍មកថា នៅម្ដុំថ្មស ក្បែរឡាក់ ២៨។ បានដឹងហ្នឹង ឃើញដឹងតែម្នាក់ហ្នឹងស្លាប់ ម្នាក់ទៀតរបួស ថៃបាញ់នៅទឹកដីថៃ ក្នុងស្រុកតាប់ព្រះយ៉ា។ អត់ដឹងត្រកូលទេ ឈ្មោះ សម្បត្តិ ស្លាប់ អាយុខ្ទង់ ៣៣-៣៥ ហើយម្នាក់ទៀតឈ្មោះ សឺត របួស តែមិនដឹងថា ស្រាលប៉ុណ្ណា ធ្ងន់ប៉ុណ្ណា»។
លោក ចាន់ កុសល ស្នងការនគរបាលខេត្តបន្ទាយមានជ័យ មានប្រសាសន៍ថា សាកសពជនជាតិខ្មែរដែលត្រូវទាហានថៃ បាញ់សម្លាប់នោះ កំពុងស្ថិតនៅក្នុងទឹកដីថៃនៅឡើយ ហើយខាងអាជ្ញាធរខ្មែរកំពុងស្នើទៅភាគីថៃ ដើម្បីយកសាកសពមកធ្វើបុណ្យនៅស្រុកកំណើតវិញ៕

ចាន់ តារាទី នៅតែឈរលើវិថីសិល្បៈសំដែង

January 8, 2011 at 1:17 PM

ដោយ ៖ សាម៉ន
ថ្ងៃ សុក្រ ទី ៧ ខែ មករា ឆ្នាំ ២០១១
Koh Santepheap Daily

អ្នកនាង ចាន់ តារាទី និងកូនប្រុសស្រី (រូបថត រស្មី)

អ្នកនាង ចាន់ តារាទី និងកូនប្រុសស្រី (រូបថត រស្មី)

រាជធានីភ្នំពេញ ៖ អ្នកនាង ចាន់ តារាទី ជាតារាភាពយន្តមួយដួងដែលចាប់ផ្តើមរះឡើងនៅពាក់កណ្តាលទសវត្សទី៨០ ។ អ្នកនាងចូលរួមសំដែងបានជាច្រើនរឿង ហើយមានកេរ្តិ៍ឈ្មោះល្បីខ្លាំងក្នុងពិភពសិល្បៈភាពយន្ត ។ អ្នកនាង ចាន់ តារាទី ទោះបីជាមានវ័យចំណាស់បនិ្តចហើយក្តីនៅតែចាប់អាជីពសិល្បៈសំដែងភាពយន្តដដែល។ នៅក្នុងឆ្នាំ២០១០ អ្នកនាងបានចូលរួមសំដែងរឿងភាគសំរាប់ចាក់ផ្សាយតាមកញ្ចក់ទូរទស្សន៍ជាច្រើនរឿង ដូចជារឿងផ្ការីកពេញរដូវ ចាក់ផ្សាយតាមកញ្ចក់ទូរទស្សន៍អាស៊ីអាគ្នេយ៍រឿងកែវភ្នែក ឱ្យទូរទស្សន៍ជាតិកម្ពុជា រឿងរដឺនមានស្នេហ៍ ឱ្យផលិតកម្ម F.C.I រឿងសំណុំរឿងបរទេស ថតឱ្យក្រុមហ៊ុនបារាំង និងរឿងឆ្អែតចិត្ត ឱ្យផលិតកម្មមហាហង្សសំរាប់ចាក់ផ្សាយតាមកញ្ចក់ទូរទស្សន៍អប្សរាប៉ុស្តិ៍លេខ១១ ។ បច្ចុប្បន្ននេះភាគច្រើនអ្នកនាងសំដែងជាតួម្តាយ។

អ្នកនាង ចាន់ តារាទី តារាភាពយន្តជើងចាស់ (រូបថត រស្មី)

អ្នកនាង ចាន់ តារាទី តារាភាពយន្តជើងចាស់ (រូបថត រស្មី)

អ្នកនាង ចាន់ តារាទី ថតរូបជាមួយលោក គង់ សុភី តារាភាពយន្តជើងចាស់ (រូបថត រស្មី)

អ្នកនាង ចាន់ តារាទី ថតរូបជាមួយលោក គង់ សុភី តារាភាពយន្តជើងចាស់ (រូបថត រស្មី)

អ្នកនាង ចាន់ តារាទី កន្លងមកក្រៅពីសំដែងវីដេអូប្រមាណជាង១០០រឿងក៏ធ្លាប់ចូលរួមសំដែងកាយវិការខារ៉ាអូខេផងដែរ ។ អ្នកនាងធ្លាប់បានចេញទៅសំដែងនៅប្រទេសបារាំង អាល្លឺម៉ង់ កាណាដា និងស្វ៊ីស។ ខណៈទទួលជោគជ័យក្នុងវិស័យសិល្បៈភាពយន្ត អ្នកនាងចាន់ តារាទី បានរៀបការជាមួយលោកកែវ វណ្ណថន មន្ត្រីនគរបាលក្រសួងមហាផ្ទៃកាលពីឆ្នាំ១៩៩០ ប៉ុន្តែបានបែកបាក់គ្នាវិញនាឆ្នាំ២០០៥ ដោយមានកូនប្រុសស្រី៣នាក់ គឺកូនប្រុសច្បងជានិស្សិតឆ្នាំទី១ កូនស្រីទី២ រៀនថ្នាក់ទី១២ និងកូនប្រុសពៅកំពុងរៀនថ្នាក់ទី៨។
អ្នកនាង ចាន់ តារាទី និយាយថា ទោះបីសំដែងជាតួម្តាយក៏ដោយ ឱ្យតែឈរលើវិថីសិល្បៈសំដែងមានប្រិយមិត្តទស្សនិកជនគាំទ្រ អ្នកនាងនៅតែសំដែងមិនបោះបង់ឡើយ ៕

ផលប្រយោជន៌នៃការថើប

January 8, 2011 at 1:04 PM

សរសេរដោយ ភ្នំពេញដេលីញូវ
សុក្រ, 07 មករា 2011

តើអ្នកបាន ដឹងទេថា ការថើប គឺមាន ប្រយោជន៍ បែបណាចំពោះ សុខភាព រាងកាយ ? ខាងក្រោមគឺជា អត្ថប្រយោជន៍ ដែលទទួលបាន មកពីការថើប ។
១- ជំរុញចរន្តឈាម
ការថើបអាចធ្វើឱ្យ ចង្វាក់បេះដូង របស់បុរស កើនឡើងពី ១១០ ទៅ ១២០ ដង ក្នុងមួយនាទី និង ចង្វាក់បេះដូងស្ត្រី កើន ឡើងរហូតដល់ ១៨០ ដង ក្នុងមួយនាទី ដែលនេះអាច ជួយកែលម្អ ចរន្តឈាម នៅក្នុងរាងកាយ ។ បណ្តាកោសិកា នៃ អវយវៈ ក្នុងរាងកាយ ក៏ទទួលបាន អុកស៊ីហ្សែនច្រើន ដោយសារ ប្រការនេះដែរ ។ ទាំងនេះជួយឱ្យ ស្មារតីបាន ធូរស្រាល និង ពោពេញដោយ ថាមពល និង ភាពរស់ រវើកនៃជីវិត ។
២- អារម្មណ៍នឹងន និង រក្សាភាពជឿជាក់
ការថើបធ្វើឱ្យស្មារតី បានធូរស្រាល និង បណ្តេញភាព តានតឹងក្នុង អារម្មណ៍ ។ ក្រៅពីនេះការថើប ក៏ធ្វើឱ្យក្រពេញ ក្រលៀន របស់យើងអាច បញ្ចេញសកម្មភាព បានច្រើនដែល ជួយរក្សាភាព រីករាយបានយូរ ។ ការថើបក៏ជួយ ឱ្យស្ត្រី មានការធូរ ស្រាលក្នុងអារម្មណ៍ កាត់បន្ថយសម្ពាធ នានាពីការងារ ផងដែរ ។
៣- ទប់ស្កាត់ជំងឺ និង ការពារសុខភាព
ការថើប អាចពន្យារពេល ការប្រមូលផ្តុំ នៃបណ្តា ជាតិគីមីពុល នៅក្នុងរាងកាយ ។ អ្នកដែលបាន ថើបគ្នាញឹកញាប់ មានអត្រាកើតជំងឺ ទាក់ទងនឹងឈាម ក្រពះ ពោះវៀន និង ថង់ប្រមាត់ តិចបំផុត ។ ការថើបថែមទាំង អាចទប់ស្កាត់ អាការរឹង សរសៃ ឈាមក្រហម ក្នុងរាងកាយ យ៉ាងមានប្រសិទ្ធភាព ហើយទន្ទឹម នឹងនេះ វាក៏ជួយការពារ មិនឱ្យកើតជំងឺ ទាក់ទងនឹង ឈាម និង សរសៃប្រសាទ ។ ការថើប ជាញឹកញាប់ ក្នុងអំឡុងពេលវែង អាចជួយបំបាត់ ជំងឺស្ទះដង្ហើម ដោយសារតែ ក្នុងពេលថើប ប្រព័ន្ធដង្ហើម ត្រូវទទួលសម្ពាធ ហើយនេះក៏ជា ប្រយោជន៍ដ៏ល្អ សម្រាប់កោសិកា ក្នុងរាងកាយ ព្រោះថាដំណើរការ របស់វាស្រដៀង នឹងការហាត់ យោហ្គា ឬហាត់ដកដង្ហើម ។ ការថើប ក៏អាចជួយ កាត់បន្ថយ គ្រោះថ្នាក់ នៃការកើតជំងឺ សម្ពាធឈាម ខ្ពស់ ស្វិតសាច់ដុំ និង កាត់បន្ថយការ ឡើងកូឡេស្តេរ៉ូល ខ្ពស់ផងដែរ ។
៤- បង្កើតកម្លាំង ការពាររាងកាយ
យោងទៅតាមការ ពិសោធថ្មីៗនេះ បានឱ្យដឹងថា ការប្តូរផ្លាស់ខាងលើ រវាងមនុស្សពីរនាក់ ក៏អាចជួយឱ្យប្រព័ន្ធ ការពាររាងកាយ របស់យើង បង្កើតបានសារជាតិ សម្រាប់ការពារ រាងកាយបាន កាន់តែច្រើន ៕

ពលករខ្មែរ ធ្លាក់ពីលើអគារ កម្ពស់ ៥ ជាន់ ស្លាប់នៅ ប្រទេសសៀម ក្រុងបាងកក

January 8, 2011 at 12:44 PM

សរសេរដោយ ភ្នំពេញដេលីញូវ
សុក្រ, 07 មករា 2011

សពពលករខ្មែរម្នាក់ ត្រូវបានរាជ រដ្ឋាភិបាលសៀម ដឹកមកប្រគល់ ជូនសាច់ញាតិ នៃសពកាលពីថ្ងៃទី ០៧ ខែមករា ឆ្នាំ ២០១១ នៅចំណុច ស្ពានមិត្តភាព កម្ពុជាសៀម នៅវេលាម៉ោង ១១ និង ២៥ នាទី ។
បើតាមសម្តី ក្រុមគ្រួសារ នៃសព បានប្រាប់អ្នក យកព័ត៌មាន ភ្នំពេញដេលី យើងថា សពដែលបាន ស្លាប់នោះឈ្មោះ ញាន កញ្ញា ភេទប្រុសអាយុ ៣១ ឆ្នាំ ស្រុកកំណើត នៅភូមិពពេល ឃុំរហាស ស្រុកព្រះនេត្រព្រះ ខេត្តបន្ទាយមានជ័យ ។
សពដែលបានស្លាប់ ខាងលើគឺរូបគេ ជាកម្មករសំណង់ នៅទីក្រុងបាងកក ប្រទេសសៀម ឧបទ្ទវហេតុបាន កើតឡើងកាលពីថ្ងៃ ទី ២៩ ខែធ្នូ ឆ្នាំ ២០១០ ពោលគឺបានធ្លាក់ ពីលើអគារកម្ពស់ ៥ ជាន់ ខណះពេលរូបគេ កំពុងធ្វើសំណង់ ក្រោយពីបាន ធ្លាក់ រួចមក ជនរងគ្រោះត្រូវបាន យកទៅព្យាបាល នៅប្រទេសសៀម ដោយសភាព ជំងឺធ្ងន់ធ្ងរពេក ទើបបណ្តាលអោយស្លាប់ នៅថ្ងៃទី ៧ ខែមករា ឆ្នាំ ២០១១ នៅមន្ទីរពេទ្យ ក្រុងបាងកក ។
ក្រោយមកដោយមាន បងប្អូនដែលរួម ការងារជាមួយ សពខាងលើបាន ទូរស័ព្ទមកប្រាប់ ដល់អ្នកផ្ទះ ទើបក្រុមគ្រួសារ នៃសពបានទំនាក់ទំនង តាមរយះការិយាល័យ ទំនាក់ទំនងកម្ពុជា សៀម ទើបដល់ថ្ងៃទី ០៧ ខែមករា ឆ្នាំ ២០១១ រាជរដ្ឋាភិបាល សៀម ក៍បានដឹកសាកសព មកប្រគល់ជូន សាច់ញាតិ នៅត្រង់ពាក់កណ្តាល នៃស្ពានមិត្តភាព កម្ពុជាសៀម នៅវេលាម៉ោង ១១ និង ២៥ នាទី ៕

រឿង ដាំ ឆ័ត្ររីយ៍ មុនចូលគុគ

January 8, 2011 at 12:20 PM

សរសេរដោយ ភ្នំពេញដេលីញូវ
សៅរ៍, 08 មករា 2011

ចំណុចដែល នាំឱ្យមានការ ចាប់ខ្លួនលោក ដាំ ឆ័ត្ររីយ៍ និង គូកនរបស់គាត់ គឺផ្តើមចេញពី រឿងរ៉ាវទំនាស់ដីធ្លី ជាមួយប្រជាពលរដ្ឋ នៅខេត្ត បន្ទាយមានជ័យ ដែលបុរសខ្មែរ សញ្ជាតិអាមេរិក រូបនេះបានទៅ បោកប្រាស់ ប្រជាពលរដ្ឋ នៅទីនោះ ហើយ បាន អួតអាងថា លោកជាទីប្រឹក្សារបស់ អតីតប្រធានាធិបតី សហរដ្ឋអាមេរិក លោក ចច ដាប់ប៊លយូ ប៊ូស និង ជា សមាជិកឧត្តម ក្រុមប្រឹក្សាពិសេស កែទម្រង់សេដ្ឋកិច្ច របស់លោក បារ៉ាក់ អូបាម៉ា ប្រធានាធិបតី សហរដ្ឋអាមេរិក នាពេល បច្ចុប្បន្ន ។ មិនតែប៉ុណ្ណោះ លោក ដាំ ឆ័ត្ររីយ៍ បានអួតថា លោកមាន ទឹកប្រាក់ជាង ៥០០ លានដុល្លារ នៅធនាគារ ក្រៅប្រទេស ដែលធ្វើឱ្យសមត្ថកិច្ច មានការសង្ស័យ ទើបនាំឱ្យមានការ ស៊ើបអង្កេត និង ស្រាវជ្រាវ ហើយសមត្ថកិច្ច បានរកឃើញ ឯកសារក្លែង ក្លាយ ជាច្រើនដែល ពាក់ព័ន្ធ ជាមួយលោក ដាំ ឆ័ត្ររីយ៍ និង ដៃគូរបស់គាត់ ម្នាក់ទៀត ។

មុនពេលចាប់ ខ្លួនលោក ដាំ ឆ័ត្ររីយ៍ និង លោក សួស សារឿន ដែលជាជំនួយការ របស់គាត់នោះ កាលពីថ្ងៃទី ៥ ខែធ្នូ ឆ្នាំ ២០១០ ក្រសួងសេដ្ឋកិច្ច និង ហិរញវត្ថុ បានចេញ លិខិតមួយ ដោយស្នើឱ្យ ក្រសួងមហាផ្ទៃ ធ្វើការស៊ើបអង្កេត ទៅលើ អាជីវកម្ម ក្រុមហ៊ុន ARP-OITC GROUPCO.,LTD. ដែលមានឈ្មោះ លោក សួស សារឿន ជាប្រធានក្រុមហ៊ុន ដោយបានលើក ឡើងថា ដើម្បីការពារ ហានិភ័យ ជាយថាហេតុ ដល់សាធារណជន ដោយក្រសួងសេដ្ឋកិច្ច និង ហិរញវត្ថុ មានការ សង្ស័យលើ ប្រតិបត្តិការ របស់ក្រុមហ៊ុននេះ ។ បន្ទាប់ពីរកឃើញ មិនមាន អាជ្ញាប័ណ្ណអនុញ្ញាត ពីក្រសួងសេដ្ឋកិច្ច និង ហិរញវត្ថុ និង រកឃើញឯកសារ ពាក់ព័ន្ធក្លែងក្លាយ មួយចំនួន ទើបនៅថ្ងៃទី ១៧ និង ១៨ ខែធ្នូ ឆ្នាំ ២០១០ ដោយអនុវត្ត តាមដីកា របស់ព្រះរាជអាជ្ញា អមសាលាដំបូងរាជធានីភ្នំពេញ សមត្ថកិច្ចនាយកដ្ឋានសន្តិសុខផ្ទៃក្នុងបានឃាត់ខ្លួន លោក ដាំ ឆ័ត្ររីយ៍ ភេទប្រុស អាយុ ៥៩ ឆ្នាំ ដែលជាប្រធានក្រុមហ៊ុន OITC នៅក្នុងភូមិគ្រឹះរបស់គាត់ ផ្ទះលេខ ៣៤ ព ផ្លូវ ២៤០ សង្កាត់ចតុម្ខុខ ខណ្ឌដូនពេញ រាជធានីភ្នំពេញ ។ ជាមួយគ្នានោះក៏មានការចាប់ឃាត់ខ្លួនលោក សួស សារឿន ខណៈពេល ដែលរូបគេជិះរថយន្តចូលផ្ទះលោក ដាំ ឆ័ត្ររីយ៍ នេះ ហើយនៅថ្ងៃដដែលនោះកម្លាំងសមត្ថកិច្ច បានធ្វើ ការឆែកឆេរលំនៅស្ថានចំនួនពីរកន្លែង ដោយទីមួយឆែកឆេរភូមិគ្រឹះលោក ដាំ ឆ័ត្ររីយ៍ ហើយសមត្ថកិច្ចបានរឹបអូស វត្ថុតាងមួយចំនួនដូចជា កុំព្យូទ័រ Laptop ចំនួនមួយគ្រឿង លិខិតផ្ទេរប្រាក់របស់ធានាគារក្រៅប្រទេសជាច្រើនសន្លឹក ឯកសារលិខិតថតចម្លង ជាភាសាអង់គ្លេស ក្រោមរូប ភាពក្រុមហ៊ុន OITC នៅកម្ពុជាជាច្រើនប្រភេទ និង ច្រើនសន្លឹក ឯកសារលិខិតថតចម្លងជាភាសាអង់គ្លេសក្រោមរូបភាពក្រុមហ៊ុន OITC នៅកម្ពុជាជាច្រើនប្រភេទ និង ច្រើនសន្លឹក ឯកសារទិញ លក់ ផ្ទេរកម្មសិទ្ធិ ដីធ្លីជាច្រើនសន្លឹក ត្រាក្រុមហ៊ុន ជា ច្រើនប្រភេទ ។ ការឆែកឆេរ កន្លែងទីពីរនៅ ក្រុមហ៊ុន ARP-OITC Group Co.,Ltd. ផ្ទះលេខលេខ ២៧៧ ផ្លូវនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ របស់ឈ្មោះ សួស សារឿន ជាមួយគ្នានោះ សមត្ថកិច្ចបាន រឹបអូសកុំព្យូទ័រ Laptop មួយគ្រឿង លិខិតតែងតាំងរបស់ ដាំ ឆ័ត្ររីយ៍ ដោយផ្តល់ថ្នាក់បណ្ឌិត ឱ្យលោក សួស សារឿន លិខិតផ្ទេរប្រាក់ របស់ធនាគារ ក្រៅប្រទេស ជាច្រើនសន្លឹក ឯកសារទិញ លក់ ផ្ទេរកម្មសិទ្ធ ដីធ្លីជាច្រើនច្បាប់ និង ត្រាក្រុមហ៊ុន ជាច្រើនប្រភេទ ។
ក្នុងការឆែកឆេរលំនៅស្ថានទាំងពីរកន្លែង សមត្ថកិច្ចជំនាញបានរកឃើញថា ឈ្មោះ ដាំ ឆ័ត្ររីយ៍ មានការ ជាប់ពាក់ព័ន្ធសកម្មភាពក្លែងឯកសារសាធារណៈ និង ប្រើប្រាស់លិខិតក្លែងប័ណ្ណឥណទានរបស់ធនាគារនៅក្រៅ ប្រទេសដែលមានទឹកប្រាក់ ចំនួន ៥០០ លានដុល្លារ ក្រោមរូបភាពអាជីវកម្មទិញ-លក់អចលនវត្ថុដើម្បីបន្លំប្រាក់អ្នក វិនិយោគទុនក្នុងស្រុក និង ក្រៅប្រទេស ព្រមទាំងរដ្ឋាភិបាលផងដែរ ចំពោះឈ្មោះ សួន សារឿន ជាអ្នកផ្សំគំនិត ជាមួយឈ្មោះ ដាំ ឆ័ត្ររីយ៍ ។ ជនត្រូវចោទ ដាំ ឆ័ត្ររីយ៍ អាយុ ៥៩ ឆ្នាំ មានសញ្ជាតិអាមេរិក ដើមកំណើតខ្មែរនៅ ក្នុងឯកសារដែលសមត្ថកិច្ចរកឃើញនោះ ដាំ ឆ័ត្ររីយ៍ មានមុខងារជាអ្នកសម្របសម្រួលច្បាប់ធនាគារ និង ហិរញវត្ថុ អន្តរជាតិប្រចាំក្រុមហ៊ុន ។ មិនតែប៉ុណ្ណោះ គាត់បានប្រើនាមប័ណ្ណ ដោយដាក់ថា ឯកឧត្តមសាស្ត្រាចារ្យបណ្ឌិតរដ្ឋ តែ គេរកពុំឃើញលិខិតស្នាមបញ្ជាក់ជាផ្លូវការនោះទេ ។ មានឯកសារមួយផ្សេងទៀតរបស់សមាគមសមណនិស្សិតកម្ពុជា បានបញ្ជាក់ថា ដាំ ឆ័ត្ររីយ៍ ជាប្រធាន ឧត្តមក្រុមប្រឹក្សា នៃសាកលវិទ្យាល័យ មហាចុឡាលុងកន រាជវិទ្យាល័យ (ប្រទេស ថៃ) ខាងផ្នែកបកប្រែ កែសម្រួលសៀវភៅ អភិធម្ម សៀវភៅធម៌ទូទៅ សៀវភៅសង្គមសិក្សា និង ជាអ្នកឧបត្ថម្ភ បោះពុម្ព ផ្សព្វផ្សាយ ទូទាំងពិភពលោក ដើម្បីទ្រទ្រង់ ព្រះពុទ្ធសាសនា និង ជាអ្នកឧបត្ថម្ភបោះ ពុម្ពផ្សព្វផ្សាយទូទាំងពិភពលោក ដើម្បី ទ្រទ្រង់ព្រះពុទ្ធសាសនា និង ជាអ្នកឧបត្ថម្ភទ្រទ្រង់កម្មវិធីបុណ្យបព្វជ្ជា អប់រំសីលធម៌ ចរិយាធម៌ ដល់កុលបុត្រ កុលធិតា ខ្មែររបស់សមាគមខេមរនិស្សិត ។ ក្រៅពីក្លែងបន្លំឯកសារទាំងនេះ ឈ្មោះនេះបានតាំងខ្លួន ជា ឧត្តមសេនីយ៍ឯក ដោយយកឈ្មោះរាជរដ្ឋាភិបាលជារនាំងបាំងមុខ ដើម្បីឱ្យសាធារណជនជាតិ និង អន្តរជាតិមានការជឿទុកចិត្ត ។ ការ ក្លែងឯកសារទាំងអស់នេះគឺ ដាំ ឆ័ត្ររីយ៍ ចង់ឱ្យអ្នកវិនិយោគទុននៅក្រៅប្រទេស មានការជឿជាក់ដើម្បី បោះ ទុនវិនិយោគ ជាមួយក្រុមហ៊ុនរបស់គេដែលមានគម្រោងទឹកប្រាក់ ៥០០ លានដុល្លារ ប៉ុន្តែរហូតមកដល់ពេលនេះ គេពុំទាន់រកឃើញ ថា គាត់បានទទួលទឹកប្រាក់វិនិយោគចំនួនប៉ុន្មាននៅឡើយទេ ។
* ចម្លើយសារភាពរបស់ជនសង្ស័យទាំងពីរនាក់ដែលទទួលបានពីនាយកដ្ឋានសន្តិសុខផ្ទៃក្នុង នៃក្រសួងមហាផ្ទៃ
នៅចំពោះមុខ សមត្ថកិច្ចប៉ូលិស ឈ្មោះ ដាំ ឆ័ត្ររីយ៍ ហៅ អ៊ុង ដាំតារា បានសារភាពថា ខ្លួនមានតួនាទីជាជំនួយ ការអតីតប្រធានាធិបតី សហរដ្ឋអាមេរិក (ប៊ូស) និង ជាអ្នកសម្របសម្រួល ច្បាប់ធនាគារ និង ហិរញវត្ថុអន្តរជាតិ ប្រចាំ ឿទីជ ហើយក៏ ជាសមាជិក ឧត្តមក្រុមប្រឹក្សា ជាន់ខ្ពស់ផ្នែក កែទម្រង់សេដ្ឋកិច្ច របស់រដ្ឋាភិបាល សហរដ្ឋអាមេរិក (អូបាម៉ា) ហើយក៏ជាប្រធាន អង្គការមួយ មានទីតាំងប្រចាំនៅ សហរដ្ឋអាមេរិក ប៉ុន្តែលិខិតតែងតាំង ខាងលើនេះគឺពុំ មានច្បាប់ដើម នៅកម្ពុជាឡើយ (ថតចម្លងទាំងអស់) ។ ចំពោះក្រុមហ៊ុន ARP-OITC GROUP Co.,Ltd. មិនមានការពាក់ព័ន្ធ នឹងខ្លួនទេ គឺជាក្រុមហ៊ុន របស់ឈ្មោះ សួស សារឿន ដែលបានយក វីបសាយរបស់ខ្លួន (ដាំ ឆ័ត្ររីយ៍ ហៅ អ៊ុង ដាំតារា) មកផ្សាយពាណិជ្ជកម្ម ដើម្បី សាធារណៈជន ជឿជាក់ក្នុងការ ទិញលក់អចលនទ្រព្យ ប៉ុន្តែឈ្មោះ សួស សារឿន ជាជំនួយការ របស់ខ្លួន សម្រាប់ធ្វើការងារ ទូទៅក្នុងប្រទេសកម្ពុជា ។ រីឯស្ត្រីម្នាក់ទៀត ឈ្មោះជំទាវ ហូ សុវណ្ណ ដែលជានាយិកា ក្រុមហ៊ុន OITC BANK TRUST LTD ក៏ជាជំនួយការ របស់ខ្លួនដែរ សម្រាប់ទាក់ទង ធ្វើការងារក្នុងប្រទេស ហើយលោកជំទាវនេះ មានភារកិច្ចជាអ្នក ធ្វើកិច្ចសន្យាជាមួយ ក្រុមហ៊ុនផ្សេងៗទៀត ដូចជាក្រុមហ៊ុន វៀតណាម និង ថៃ ។ ដោយឡែក ខ្លួន (ដាំ ឆ័ត្ររីយ៍) ធ្វើការងារតែ នៅក្រៅ ប្រទេស ប៉ុណ្ណោះ ។
ដោយឡែក លិខិតរបស់ធនាគារ ្ហព្ថជ ចុះថ្ងៃទី ២៩ ខែធ្នូ ឆ្នាំ ២០០៩ ដែលមានទឹកប្រាក់ ចំនួន ៥០០.០០០.០០០ ដុល្លារ ដាំ ឆ័ត្ររីយ៍ បានដោះសាថា ជាមូលប័ត្រ ធានារ៉ាប់រ៉ង ពិតប្រាកដដែលខ្លួន បានទំនាក់ទំនង ផ្ទាល់ជាមួយ ធនាគារ HSBC នៅ ប្រទេស អង់គ្លេស ។
ឈ្មោះ ដាំ ឆ័ត្ររីយ៍ ក៏បានបញ្ជាក់ដែរថា រូបថតរបស់ខ្លួន ដែលថតពាក់ ឯកសណ្ឋានជា កងយោធពល ខេមរភូមិន្ទ ថ្នាក់ឧត្តមសេនីយ៍ឯកនោះ គឺខ្លួនពុំមានមុខងារ នេះឡើយ ។
ដោយឡែក ឈ្មោះ សួស សារឿន បានសារភាពថា ខ្លួនជានាយកក្រុមហ៊ុន ARP-OITC GROUP CO., LTD នឹងខ្លួន មានទំនាក់ទំនង ជាមួយឈ្មោះ ដាំ ឆ័ត្ររីយ៍ តាំងពីឆ្នាំ ២០០៦ រួចខ្លួនបានទទួល យកឈ្មោះ ដាំ ឆ័ត្ររីយ៍ ជាគ្រូបង្រៀន ក្នុងមុខរបរ ជំនួញ ។ ក្រុមហ៊ុនរបស់ ខ្លួននេះបានសុំច្បាប់ ពីក្រសួងពាណិជ្ជកម្ម ប៉ុន្តែពុំមាន អាជ្ញាប័ណ្ណ ពីក្រសួង សេដ្ឋកិច្ច និង ហិរញវត្ថុ ។ ក្រុមហ៊ុននេះបាន ធ្វើអាជីវកម្មទៅលើ សេវាលក់ ទិញ អចលនទ្រព្យ និង ជួយផ្សាយ ពាណិជ្ជកម្មវីបសាយ របស់លោក ដាំ ឆ័ត្ររីយ៍ ។
ចំពោះឯកសារ ទឹកប្រាក់ចំនួន ៥០០.០០០.០០០ ដុល្លារ នៅធនាគារ ្ហព្ថជ គឺខ្លួន (សួស សារឿន) បានមកតាម រយៈឈ្មោះ ដាំ ឆ័ត្ររីយ៍ ផ្ញើមកឱ្យតាមរយៈ អ៊ីម៉ែល ដើម្បីបង្ហាញឱ្យអតិថិជន ដែលមានគម្រោង វិនិយោគទុន ជឿជាក់ ។
ឯកឧត្តម ឧត្តមសេនីយ៍ឯក សុខ ផល អគ្គស្នងការរង នគរបាលជាតិ ដែលដឹកនាំ ធ្វើការងារនេះ យ៉ាងសកម្មនោះ បានមានប្រសាសន៍ថា បទល្មើសជាក់ស្តែង របស់ឈ្មោះ ដាំ ឆ័ត្ររីយ៍ មានចំនួនបួនករណី គឺទីមួយគាត់ធ្វើ លិខិតក្លែងក្លាយ ពីធនាគារ HSBC ដែលជាធនាគារ ដ៏ល្បីល្បាញមួយ នៅទីក្រុងហុងកុង ដែលគាត់បានអួតថា មានលុយរាប់រយ លានដុល្លារ នៅក្នុងធនាគារនោះ ប៉ុន្តែក្រោយមក តាមការបញ្ជាក់របស់ ធនាគារនេះគឺគាត់ មិនមានប្រាក់នៅក្នុង ធនាគារនោះ ទេ ហើយលិខិត បញ្ជាក់ពីធនាគារ ដែលគាត់មាននោះ ជាលិខិតក្លែងក្លាយ ។ ទីពីរគាត់ធ្វើ ឯកសារក្លែងក្លាយ ក្នុងនាមរូបគាត់ ជាទីប្រឹក្សារបស់ លោកប្រធានាធិបតី បារ៉ាក់ អូបាម៉ា ដើម្បីយកឥទ្ធិពលនេះ សម្រាប់ការរកស៊ី របស់គាត់ ។ ទីបី គាត់មានការ ប៉ះពាល់ដី ប្រជាពលរដ្ឋ នៅ ខេត្តបន្ទាយមានជ័យ និង ទីបួនបណ្តឹងរបស់ ឯកឧត្តមឧបនាយករដ្ឋមន្ត្រី គាត ឈន់ ដែលបានប្តឹងគាត់ ពីបទបើកក្រុមហ៊ុន ទិញ លក់ អចលនទ្រព្យ ដោយមិនមានការ សុំអាជ្ញាប័ណ្ណ ឬ សុំការផ្តល់សិទ្ធិ ពីក្រសួង សេដ្ឋកិច្ច និង ហិរញវត្ថុឡើយ ហើយក្រុមហ៊ុននេះ មិនបានបង់ពន្ធ ចូលរដ្ឋឡើយ ដោយឡែកឈ្មោះ សួស សារឿន គ្រាន់តែជា អ្នកឈរឈ្មោះ ជំនួសឱ្យឈ្មោះ ដាំ ឆ័ត្ររីយ៍ តែប៉ុណ្ណោះ ។ ចំពោះការងារនេះ សមត្ថកិច្ចរបស់យើង បានធ្វើការងារដោយ សហការជា មួយ ធពី ដោយគេបាន បញ្ជាក់ថា ឈ្មោះ ដាំ ឆ័ត្ររីយ៍ មិនមែនបុគ្គលិក របស់សេតវិមាន សហរដ្ឋអាមេរិកឡើយ ហើយគាត់ក៏មិនមែន ជាទីប្រឹក្សារបស់ អតីតប្រធានាធិបតី សហរដ្ឋអាមេរិក ចច ដាប់ប៊លយូ ប៊ូស នោះឡើយ ។ ប្រសិនបើ យើងមិនធ្វើ ការបង្ក្រាបទាន់ ពេលវេលានោះទេ គាត់នឹងធ្វើការ បោកប្រាស់ ប្រជាពលរដ្ឋ ជាច្រើនទៀត ។ ករណីដំបូង ដែលនាំឱ្យមាន ការចាប់ខ្លួនគាត់នោះ គឺដោយសារគាត់ មានទំនាស់ដីធ្លីមួយ នៅខេត្ត បន្ទាយមានជ័យ ជាមួយប្រជាកសិករ ជាច្រើនគ្រួសារ ដែលគាត់បាន ទៅទិញដីនៅទីនោះ ដោយគាត់ បានកក់ដី គេរួចហើយ គាត់បានយកប្លង់ កម្មសិទ្ធិដី ទាំងអស់នោះ មកដាក់បញ្ចាំ យកប្រាក់ពី ធនាគារដើម្បីយកប្រាក់ ទៅរកស៊ីវិញ មិនតែប៉ុណ្ណោះគាត់បាន ធ្វើឱ្យប៉ះពាល់ដល់ដីធ្លី ប្រជាពលរដ្ឋដទៃ ទៀត រហូតមានរឿងរ៉ាវ ឡើងទៅដល់ តុលាការខេត្ត បន្ទាយមានជ័យ ។
ជនសង្ស័យទាំងពីរនាក់ ត្រូវបានសាលាដំបូង រាជធានីភ្នំពេញ បានធ្វើការឃុំខ្លួន ដាក់ក្នុងពន្ធនាគារ ជាបណ្តោះ អាសន្ន កាលពីរសៀល ថ្ងៃទី ២០ ខែធ្នូ ឆ្នាំ ២០១០ កន្លងទៅនេះ ក្រោមការចោទប្រកាន់ ពីបទក្លែងបន្លំ និង បទប្រើប្រាស់ លិខិតក្លែង ដែល មានចែង និង ផ្តន្ទាទោស តាមមាត្រា ៦២៧ និង ៦២៨ នៃក្រមព្រហ្មទណ្ឌ ។ ចំណែកគូកន ដែលរត់គេច ខ្លួនបាត់ ក៏ត្រូវតុលាការចោទ ប្រកាន់ពីបទក្លែង បន្លំឯកសារសាធារណៈ ដែលមានចែង និង ផ្តន្ទាទោសតាមមាត្រា ៦២៩ នៃក្រមព្រហ្មទណ្ឌ ។ ដូច្នេះ បើយោងតាមមាត្រា ៦២៧ និង ៦២៨ នេះ ជនសង្ស័យ ទាំងពីរនាក់នេះ នឹងត្រូវប្រឈមមុខ ជាប់ពន្ធនាគារពី ២ ឆ្នាំទៅ ៦ ឆ្នាំ និង ពិន័យជាប្រាក់ពី ៤ លានរៀល ទៅ ១២ លានរៀល ប្រសិនបើតុលាការ រកឃើញថា ពិតជាមានពិរុទ្ធភាព ដូចការចោទ ប្រកាន់ប្រាកដមែន ៕

សឿ សុធារ៉ា ដល់ពេលចូលពេទ្យ

January 8, 2011 at 11:54 AM

សរសេរដោយ ភ្នំពេញដេលីញូវ
សៅរ៍, 08 មករា 2011

បើគិត មកទល់ពេលនេះ នៅសល់ប៉ុន្មាន ថ្ងៃទៀតប៉ុណ្ណោះ ដែលអ្នកនាង សឿ សុធារ៉ា ដល់កំណត់ ចូលមន្ទីរពេទ្យ ដើម្បី សម្រាលកូន ។ មិនត្រឹមខកខាន ការងារសិល្បៈ ប៉ុណ្ណោះទេ សូម្បីរបរសម្អាងការ ដែលកំពុង ត្រូវប៉ាន់ ក្នុងរដូវនេះ ក៏ សឿ សុធារ៉ា ទុកឱ្យបងៗ របស់នាង ជាអ្នកមើលការ ខុសត្រូវដែរ ។ ភាពព្រងើយកន្តើយ របស់អតីតតារា ដែលធ្លាប់មាន ឈ្មោះបោះសំឡេង រូបនេះ ត្រូវបានលោក សាពូន មីដាដា និយាយថា "ភរិយារបស់ខ្ញុំ មិនបង្ហាញមុខ ដោយសារគាត់ ចង់សម្រាកថែ ទាំសុខភាព ឱ្យបានល្អ ។ ម៉្យាងពេល មានផ្ទៃពោះ គាត់ពិបាកក្នុងការ តុបតែងខ្លួនផង តែយ៉ាងណា ក្រោយសម្រាលកូន រឹងដៃជើងហើយ គាត់នឹងចូលប្រឡូក យ៉ាងពេញ ទំហឹងហើយ (សើច)" ។
ក្នុងកំឡុងពេលនេះ សុខភាពរបស់ សឿ សុធារ៉ា និង កូនក្នុងផ្ទៃ ល្អប្រសើរ ជាធម្មតាទេ ។ បើតាមកាលកំណត់ នាងត្រូវសម្រាលកូន នៅមួយអាទិត្យ ខាងមុខនេះ ។
ក្នុងអំឡុងពេល សឿ សុធារ៉ា កៀកដល់ថ្ងៃ សម្រាលកូននោះ សាពូន មីដាដា បាននិយាយថា ភរិយារបស់លោក មានបំណង សម្រាលកូន នៅមន្ទីរពេទ្យ រ៉ូយ៉ាល់រតនៈ អ្វីដែលពិសេស ខាងមន្ទីរពេទ្យ មិនបានគិតតម្លៃអ្វីទេ ហើយថែមទាំងផ្តល់ សេវាពិសេសស ម្រាប់ភរិយាលោក ថែមទៀតផង ។
ទោះជាមិនទាន់ បានឃើញ មុខកូនស្រី ក៏ពិតមែន តែ សាពូន មីដាដា និង សឿ សុធារ៉ា បានត្រៀមឈ្មោះ យ៉ាងពីរោះ សម្រាប់កូនស្រីរបស់ខ្លួន ។ មិនត្រឹមតែប៉ុណ្ណោះ គូស្វាមីភរិយា សិល្បៈមួយគូនេះ មានគម្រោងរៀបចំ ពិធីជប់លៀងធំមួយ ដោយគ្រោង អញ្ជើញមិត្តភក្តិ ក្នុងសិល្បៈចូលរួម ក្រោយពេលកូនស្រី មានអាយុមួយខែ ។

This email was sent to samautoblog.news@blogger.com .
Delivered by Feed My Inbox
PO Box 682532 Franklin, TN 37068

Create Account
Unsubscribe Here

0 comments:

Subscribe to: Post Comments (Atom)

Zona Cerebral | WP Premium Adsense Ready Blogger Template | Original WP Premium theme by WP Remix
Copyright 2008. R.Bhavesh. All rights reserved